Toledo (provinco)

La provinco de Toledo estas provinco de Hispanio, en la okcidenta parto de la regiono de Kastilio-Manĉo. Ties ĉefurbo estas la urbo de Toledo. Ĝi limas kun la provincoj de Madrid, Cuenca, Ciudad Real, Badajoz, Cáceres kaj Ávila.

La provinco enhavas loĝantaron de 639.621 (2007), en 204 municipoj, el kiuj Talavera de la Reina estas la plej granda kun populacio de 85.549 loĝ., la dua municipo estas Toledo (78.618), dum la plej malgranda estas Illán de Vacas, kiu, kun populacio de nur 6 loĝantoj, estas ankaŭ la plej malgranda de Hispanio. La provinco kunhavas la naturan lokon de Nacia Parko de Cabañeros kun la provinco de Ciudad Real.

La rivero Taĵo trapasas la provincon el oriente okcidenten kaj ĉe la urboj Talavera de la Reina kaj Toledo.